[Startside]  [Årsmelding]

Årsmelding 2001 for praksiskonsulentordningen (PKO) ved Sentralsjukehuset i Rogaland (SiR) 

 Godkjend 26. februar 2002

 Dagfinn Carlsen    Asgeir Haugedal    Pål Hjorth    Ruth Midtgarden    

Inger Skretting Opstad    Olav Thorsen    Eivind Vestbø    Ole-Kristen Zweidorff

• Generelt

• Møter, konsensus og publikasjonar

• Pasientflytstudier

• Smågrupper

• Eksterne foredrag og presentasjonar

• Allmennpraktikarhospitering

• IT

• Prosjekt Gode Pasientforløp

Arbeidet dette året har til dels vore prega av improviserte ordningar som fylgje av langtidssjukmeldingar. I tillegg er det framleis ein vakant stilling som praksiskonsulent på ortopedisk kirurgisk avdeling/plastisk kirurgisk avdeling. 

Generelt

Få endringar frå tidlegare år. Praksiskonsulentane møter greie  og imøtekomande  sjukehuslegar som ikkje prioriterer PKO-arbeidet høgt i ein travel kvardag. PKO er eit av mange tiltak som kjem  ”ovanfrå” i sjukehussystemet og  som den travle kvardagen ikkje heilt kan absorbera på line med alle dei andre initiativa som  legane på avdelingane skal førehalda seg til.

Vi får inntrykk av ei viss fagideologisk usemje. Sjukehusleiinga og praksiskonsulentane sine  ynskje om struktur og systematisering når det gjeld prioriteringar, pasientadministrasjon og  informasjonsflyt mellom  sjukehuset og primærhelsetenesta, kan lett koma i konflikt med sjukehuslegane sine vurderingar. Dei synest å ha ein implisitt ideologi som  inneber krav om stor  fagleg og klinisk innsikt og  forplikting mot dei pasientane  den einskilde lege møter der og då, men syner mindre interesse for heile populasjonen.

Møter, konsensus og publikasjonar

Vellukka  møter og konsensus om samarbeid mellom primær- og spesialisthelsetenesta.

Publikasjonar i  PRAKSISNYTT  med 13  utgåver om samarbeid  mellom allmennpraktikarane og avdelingane, presentasjon av avdelingar og seksjonar og råd frå spesialist til allmennpraktikar.

Pasientflytstudier

Deltaking i  pasientflytstudie  om colorectal cancer, apopleksi før og etter sjukehusopphaldet, isjas og kronisk obstruktiv lungesjukdom.  

Smågrupper

Barneavdelinga har hatt ei smågruppe allmennpraktikere i verksemd på allergologisk poliklinikk. Møteserie gjennomført, men ingen tok imot tilbod om hospitering.

Eksterne foredrag og presentasjonar

Foredrag  om apoplexiprosjektet  i  Forum for organisasjonsutvikling i sjukehus og på leiarsamling ved Buskerud Sentralsykehus.

Innlegg om PKO på Samfunnsmedisinsk veke.

Ansvar for dagkurs på primærmedisinsk veke som er under planlegging til hausten 2002. Gjeld nye behandlingar på sjukehus.

Allmennpraktikarhospitering

Det er meldt interesse frå einskildlegar og frå kurskomiteen om hospitering. Fleire av dei kliniske avdelingane ser på dette som nyttig og interessant, og tiltak er under planlegging.

IT

Det er lagt ned mykje arbeid knytta opp til IT dette året. Det gjeld arbeidet med elektroniske overføringar av  epikrise og røntgensvar (oppstart 2002?). Praksisnytt blir lagt ut og vedlikehalde på web-sida (http://praksis.sir.no ).

Prosjekt Gode Pasientforløp

Som ein viktig del av nyorganiseringa ved SiR, presiserer direktøren at det er legetenesta som har ansvaret for pasient og pasientflyt. I den grad avdelingane og legane treng praktisk hjelp for å få dette gjennomført, har direktøren oppretta eit prosjekt med dette føremålet:

• Å initiera konkrete samarbeidsprosjekt mellom dei to nivåa i helsetenesta.

• På førespurnad hjelpa dei kliniske avvdelingane med å arbeida ut konkrete rutinar for tilvising, innlegging, behandling, utskriving og kontroll av definerte pasientgrupper samt informasjonsflyt mellom nivåa.

• Å hjelpa avdelingane  med evaluering av utarbeidde prosedyrar i dei nye behandlingsplanane, for å sjå om desse fører til betre kvalitet for pasientane.

PKO har ein sentral plass i dette prosjektet som skal gå over tre år.

[Startside]  [Årsmelding]